Франк Рибери: Ярим финал ҳақида гапиришга ҳали эрта

Мюнхеннинг “Бавария” клуби ярим ҳимоячиси Франк Рибери кеча “Севилья”га (2:1) қарши бўлиб ўтган УЕФА Чемпионлар лигаси дастлабки баҳсидан сўнг ўз фикрларини билдириб ўтди.

“Биз ўйинни яхши бошлагандик. Лекин, дастлабки 10 дақиқаликдан сўнг бироз ўйинимиз ўзгарди, ҳужжумда ҳам ёмон ўйнай бошладик. Танаффус пайтида мураббий айнан шу ҳақда бизга гапириб ўтди.

Иккинчи бўлимда эса биз чинданда ажойиб ўйин намойиш этдик. Меҳмонда ғалаба қозонганимиз муҳим, албатта. “Севилья” ажойиб футбол кўрсатди. Чемпионлар лигасида хатони кечиришмайди. Шундай экан биз ҳали ўзимизни ярим финалга чиқдик деб ҳисобламаймиз”, - дейди франциялик футболчи.