Гаттузо: Роналдунинг трансфери Италия футболи ривожи учун туртки бўлиши мумкин

"Милан" клуби бош мураббийи Женнаро Гаттузо Криштиану Роналдунинг "Ювентус"га кўчиб ўтгани ҳақида ўз фикрларини билдириб ўтди.

“Сўнгги йилларда Италия футболида кузатилган муаммоларни инобатга олсак, бу ақлбоварқилмас трансфер. Одамлар ҳозир Модричнинг трансфери ҳақида гапиришаётгани ҳам шунчаки тасодиф эмас. Роналдунинг трансфери биз учун жуда зарур эди. Унинг келиши Италия футболи ривожи учун туртки бўлиши мумкин”, - дейди Гаттузо.

Эслатиб ўтамиз, беш карра “Олтин тўп” соҳиби “Реал”даги 9 йиллик фаолиятидан сўнг “Ювентус”га кўчиб ўтган эди.