Голландиялик қизлар Барселонада қитъа чемпионлигини қўлга киритишди

Испаниянинг Барселона шаҳрида сув полоси бўйича Европа чемпионати ўз якунига етиб бормоқда. Айни паллага келиб, аёллар ўртасидаги баҳсда чемпион жамоа номи аниқ бўлди. 

Олтин медаллар учун кечган баҳсда Голландия терма жамоаси грециялик рақиблари билан тўқнаш келиб, 6:4 ҳисобида устун келган бўлса, бронза медали учун кечган қарама-қаршиликда мусобақа мезбонлари венгрияликларни 12:6 ҳисобида таслим қилишди. 

Бугун тунда эркаклар ўртасида финал ва 3-ўрин учун кечадиган баҳс кутиб турибди. Чемпионлик учун кечадиган баҳс Испания ҳамда Сербия терма жамоалари ўртасида кечади.