Головин бугун "Нант"га қарши баҳсда "Монако"га ёрдам бера олади

Мавсумни жуда ёмон ўтказаётган “Монако” бугун Франция чемпионатининг 25-тури доирасида “Нант”га қарши баҳс юритади.

Клуб матбуот хизмати тарқатган хабарга кўра бош мураббийи Леонарду Жардим жароҳати сабаб сўнгги учрашувларни ўтказиб юборган россиялик ярим ҳимоячи Александр Головинни ҳам бугунги ўйин қайдномасига киритди.

"Монако": Субашич, Бенальо, Бадьяшиль, Балло-Туре, Глик, Хенрихс, Налдо, Серрано, Сидибе, Силва, Аолу, Фабрегас, Головин, Фалькао, Желсон, Нкуду, Лопеш, Силла, Винисиус.

Эслатиб ўтамиз, “Монако” – “Нант” баҳси бугун “Луи II” стадионида Тошкент вақти билан соат 00:00да бошланади.