Гулноза Матниёзова ўтган йилги натижасини сақлаб қолди

Пойтахтимизда ўтаётган дзюдо бўйича Тошкент Гран-присининг  бугунги кунги беллашувларида ғолиб ва совриндорлар номи аниқланмоқда.

Мусобақанинг аёллар ўртасида ўтказилган  -70 кг вазн тоифасидаги беллашувларда  ҳам ғолиб номи аниқланди. Ушбу вазн тоифасида юртимиз шарафини ҳимоя қилаётган ҳамюртимиз Гулноза Матниёзова даниялик Эмили Сук билан баҳс олиб борди.

Қизиқарли кечган баҳсда  ҳамюртимиз рақибини иппон баҳоси  эвазига мағлуб этиб, терма жамоамизга олтин медални тақдим этди.

Қайд этиш лозим, Матниёзова пойтахтимизда ўтказилган ўтган йилги Гран-при баҳсларида ҳам олтин медални қўлга киритганди.