Иммобиле "Лацио"да Кресподан кейинги энг яхши тўпурарга айланиб олди

Римнинг “Лацио” клуби форварди Чиро Иммобиле кеча Италия А Сериясининг 30-турида “Беневенто” (6:2) дарвозасини икки бор аниқ нишонга олди.

Шу тариқа 28 ёшли италиялик футболчи чемпионатдаги голлари сонини 26тага етказиб олди. Таъкидлаш керакки, римликлар сафида сўнгги бор Эрнан Креспо (2000/01) бир мавсумда 26та гол уришга эришган эди.

Маълумот учун, Иммобиле жорий мавсум А Сериянинг жами 27та учрашувида майдонга тушиб, ўз ҳисобига 26та гол ҳамда 8та голли узатма ёздириб қўйишга эришган.