"Интер"нинг етакчи футболчиларидан бири машғулотларда жароҳат олди

Миланнинг “Интер” клуби ярим ҳимоячиси Бальде Кейта машғулотлар пайтида жароҳат олди.

Football Italia нашри тарқатган хабарга кўра 23 ёшли сенегаллик футболчи сон мушакларидан жароҳатланган. Шифокорлар Кейтанинг тахминан 3 ҳафта майдонга тушмаслигини айтишган.

Маълумот учун, Кейта асли “Монако” футболчиси ҳисоболанади. У “Интер” сафида ижара асосида тўп сурмоқда. У жорий мавсум А Серияда жами 17та ўйинда майдонга тушиб, ўз ҳисобига 4та гол ва 2та голли узатма ёздириб қўйишга эришди.