Islom To‘xtaxo‘jaevga nima qildi?

"Lokomotiv" – "Qizilqum" (2:2) uchrashuvidan so‘ng o‘tkazilgan matbuot anjumanida "temiryo‘lchilar" jamoasi bosh murabbiyi vazifasini bajaruvchi Andrey Fyodorov ishtirok etdi. Bu haqda Toshkent klubi matbuot xizmati xabar bermoqda.

Anjumanda mebonlar ustozi himoyachi Islom To‘xtao‘jaevning zaxiraga olinishiga izoh berdi.

"Biz bundan yaxshiroq o‘ynashimiz lozim edi. Birinchi bo‘lib gol o‘tkazib yuborsak, raqib jamoalar ko‘pincha yopiq o‘yin ko‘rsata boshlashyapti. Bu esa hujum qilayotgan jamoaga qiyinchlik tug‘diradi. Agar har ikki jamoa ham ochiq o‘yin namoyish etsa, o‘yin ham tomoshaboproq kechadi. Islom To‘xtaxo‘jaev kichik jarohat borligi sababli almashtirildi. Yo‘qsa uning o‘rniga oldingi chiziqni kuchaytirgan bo‘lardik", - deb aytib o‘tdi Fyodorov.