Joriy mavsum Rossiya premer-ligasi uchrashuvlarini stadiondan o‘rtacha 11 415 muxlis kuzatdi

Xabaringiz bor o‘tgan haftada futbol bo‘yicha Rossiya premer-ligasining 2016/17 yilgi mavsumi o‘z nihoyasiga etdi.

Chempionat.com nashrining xabar berishicha bu mavsum uchrashuvlarni kuzatish uchun stadionlarga jami 2 739 507 tomoshabin tashrif buyurgan. Bundan ko‘rinib turibdiki, bo‘lib o‘tgan har bir bahsga o‘rtacha 11 415 tomoshabin kelgan. Yuqoridagi aytilgan har ikkala ko‘rsatgich so‘nggi ikki yildagi eng yaxshisi bo‘ldi.

Taqqoslash uchun, 2015/16 yilgi mavsumda stadionlarga 2 650 424 tomoshabin tashrif buyurgan. 2014/15 yilgi mavsumda esa 2 437 341 ishqiboz uchrashuvlarni bevosita stadiondan kuzatgan.

Ma’lumot uchun, ayni damda Rossiya premer-ligasida O‘zbekiston milliy terma jamoasi a’zolari - Vadim Afonin va Vitaliy Denisovlar to‘p surishmoqda.

Legionerlarimiz. Denisovning jamoasi “Zenit”ga mag‘lub bo‘ldi>>>

Legionerlarimiz. Bugun Afonin Azmunga, Ismoilov esa “Chelsi”…>>>