Kaka: Gattuzo futbolchilik davrida qanday bo‘lgan bo‘lsa, hozir ham shunday

Braziliyalik futbol yulduzlaridan biri Kaka ayni damda "Milan"ga ustozlik qilayotgan sobiq jamoadoshi Jennaro Gattuzo haqida gapirib o‘tdi.

“Gattuzoning qanday mashg‘ulot o‘tkazayotganini hayotda ko‘rish haqiqatda ajoyib. U hozir ham xuddi futbolchilik davrida bo‘lgani singari juda ehtiroslarga boy. O‘shanda ham u jamoani ruhlantirib, futbolchilardan eng yaxshi o‘yinlarini ko‘rsatishlarini talab qilardi. Gattuzo juda yaxshi inson va haqiqiy fenomen”, - deydi Kaka.

Eslatib o‘tamiz, Gattuzo boshchiligidagi “Milan” o‘tgan mavsumni 6-o‘rinda yakunlagan edi.