Клопп АПЛнинг декабрь ойидаги энг яхши мураббийи бўлди

Англия премьер-лигасида ўтган декабрь ойининг энг яхши мураббийи эълон қилинди.

Мусобақа расмий сайти тарқатган хабарга кўра ушбу мукофот “Ливерпуль” устози Юрген Клоппга насиб этди. Германиялик мутахассис бу борада Нуну Эшпириту Санту, Мануэль Пеллегрини, Маурисио Почеттино ва Маурицио Сарри каби мутахассисларни ортда қолдиришга эришди.

Эслатиб ўтамиз, Клопп бошқарувидаги мерсисайдликлар ўтган ой АПЛнинг 7та ўйинида 7та ғалабага эришишган эди.