Ҳусанов йил футболчиси бўлиш имконияти қандай баҳоланмоқда?

Англия лигаси кубоги ва Англия кубоги каби икки нуфузли совринни қўлга киритган ва мамлакат чемпионлиги учун курашни давом эттираётган “Манчестер Сити” клуби мавсумнинг энг яхши футболчисини аниқлаш учун сўровнома ташкил қилган.

Биринчи босқичда энг кўп овоз олган уч футболчи номзоди – сўровноманинг якуний қисмига қўйилди.

“Шаҳарликлар” дунё бўйлаб ёйилган мухлислари Жерами Доку, Нико О'райли ва Абдуқодир Ҳусанов  номзодлари орасидан мавсумнинг энг зўр ўйинчисини овоз бериш йўли билан аниқлаб бериши лозим.

Sports.uz портали “Манчестер Сити”нинг ижтимоий тармоқлардаги саҳифаларида бу танлов бўйича мухлислар билдираётган фикр-мулоҳазалар ва муносабатларни ўрганиб чиқди. Фанатларнинг аксарияти “Манчестер Сити”нинг йил футболчиси номига Абдуқодир Ҳусановни муносиб кўрмоқда.

Азиз Муслимов: Абдуқодир Ҳусанов “Манчестер Сити”да мавсумнинг энг ёрқин футболчиларидан бири бўлиш учун ҳақиқий имкониятга эга. Чунки у ёш ҳимоячиларда кам учрайдиган сифатларни намоён қилмоқда: хотиржамлик, ақл ва юқори даражадаги барқарорлик. У фақат ҳимоя қилмайди — майдонни назорат қилади, хавфни олдиндан ҳис қилади ва босим остида ҳам совуққон қолади. “Сити” тизимида бу уни оддий иқтидорли ҳимоячидан кўра каттароқ фигурага айлантиради.

Carlito D'LaMora: Нико О’Райли кашфиёт бўлди, Абдуқодир Ҳусанов эса сюрприз, Доку эса энг яхшиси.

Ikuku: Совринни Абдуқодир Ҳусановга беринг. Бу сафар ҳимоячи ғолиб бўлиши керак.

Imnonophele Hans: Ҳаммамиз тан олишимиз керак, Абдуқодир Ҳусанов “Манчестер Сити”даги илк мавсумида жуда яхши ҳимоя қилди. У икки соврин ютишга ёрдам берди. У ҳақиқатан ҳам жамоа ҳимоясини ушлаб турди. У мавсум футболчиси бўлишга муносиб.

Kevin Balderstone: Абдуқодир Ҳусанов келажак учун ажойиб футболчилардан бири. Кейинги мавсумда у янада кучли бўлади.

Morris Baha: Ҳаммаси ажойиб ўйнади, лекин мен О’Райлини танлайман. Аммо Абдуқодир Ҳусанов ҳам бу мукофотга муносиб, у жуда кучли ривожланди.

Jumbo Khumalo: Қийин танлов, лекин Докуга берайлик. Абдуқодир Ҳусанов ва О’Райли ҳам ажойиб ўйнади.

Lastborn De Nicholuz: Докуни танлайман, лекин ич-ичимдан Абдуқодир Ҳусанов ғолиб бўлишини хоҳлайман.

Shawki Areibi: Абдуқодир Ҳусанов аниқ муносиб. Яхши ҳимоя бўлмаганида “Сити” АПЛда иккинчи ўринда ҳам бўлолмасди.

Mweemba Mweemba: Мен учун жуда қийин. Абдуқодир Ҳусанов ва О’Райли орасида танлайман. Мукофотни Ҳусанов олсин.

Isaac Harsela: Абдуқодир Ҳусанов марказий ҳимоя чизиғини назорат қилмоқда.

Peter Rooke: Учовлон ҳам мавсум футболчиси бўлишга муносиб. Аммо мен чин дилдан Абдуқодир Ҳусанов ғолиб бўлишини истайман.

Øñålè Kìtsø: Абдуқодир Ҳусанов — юқори даражадаги маҳоратли футболчи.

Gofah Baipidi: Шу учлик орасида мен Абдуқодир Ҳусановни танлайман. Аммо О’Райли ҳам бу мавсумда жуда зўр ўйнади.

Ïɓsä Mci: Абдуқодир Ҳусанов ҳозирги пайтда “Манчестер Сити”нинг энг яхши марказий ҳимоячиси.

Alrick Pinto: Абдуқодир Ҳусанов “Челси”га қарши дастлабки ўйинидаги хатосидан кейин деярли бошқа хатога йўл қўймади.

Connor Rigby: Жереми Доку, Нико О’Райли ва Абдуқодир Ҳусановни мавсум футболчиси соврини учун қисқа рўйхатга киргани билан табриклайман.

Mathijs Sakala: Мукофотни Абдуқодир Ҳусановга беринг. У тўпни ўтказиб юбормаслик учун танасини аямайди.

Mohamett Abdifitah: Абдуқодир Ҳусанов — яширин қаҳрамон.

Sniperdadrex Dadrex: Абдуқодир Ҳусанов тарафдорлари, келинглар шу ерга йиғилайлик.

Эслатиб ўтамиз, Абдуқодир Ҳусанов мавсум давомида икки марта – январь ва март ойларида жамоасининг энг яхши футболчиси соврини билан тақдирланган эди.

Ширер Ҳусановни ҳимоя қилиб чиқди, унга Жеррард қўшилди!

Ҳусанов Рамазонда мени ҳайратга солган!

“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?