Клублар ўртасидаги ЖЧ: “Реал”нинг ярим финалдаги рақиби маълум бўлди

Ҳар йили анъанавий тарзда ўтказилиб келинаётган клублар ўртасидаги ЖЧ-2016да навбатдаги ўйин якунига етди.

Мусобақанинг чорак финал илк баҳсида Жанубий Кореянинг “Чонбук Моторс” жамоаси Мексиканинг “Америка” клуби билан баҳс олиб борди.

Японияда ўтаётган баҳсда Америка қитъаси вакиллари 2:1 ҳисобида ғалаба қозониб, ярим финалга йўл олди. Энди “Америка” клуби бу босқичда Мадриднинг “Реал” клуби билан куч синашади. Ўйин 15 декабрь куни бўлиб ўтади.

Клублар ўртасидаги ЖЧ-2016

11.12.2016

“Чонбук Моторс” (Жанубий Корея) – “Америка” (Мексика) - 1:2 (1:0, 0:2)

Голлар: Ким Бо Ген 23 – Ромеро 58, 74.

“Чонбук Моторс”: Хон Чжон Нам, Пак Вон Чжа, Лим Чжон Ин, Чхве Чхоль Сун, Ким Чхан Су (Ко Му Ель, 77), Чжон Хек (Леонардо, 66), Син Хен Мин, Ким Бо Ген, Ли Чжэ Сон, Ким Шин Ук, Эду (Ли Дон Гук, 76).

“Америка”: Муньос, Самудио, Пабло Агиляр, Альварес (Арройо, 46), Вальдес, Виллиам, Мартинес (Герреро, 46), Кинтеро (Альварадо, 70), Гольц, Ромеро, Перальта.

Огоҳлантиришлар: Гольц (15), Чжон Хек (48), Чхве Чхоль Сун (62), Вальдес (71).

Бироздан сўнг чорак финалнинг навбатдаги баҳсида ЖАРнинг “Мамелоди Сандаунз” жамоаси Япониянинг “Кашима Антлерс” жамоасига қарши майдонга чиқади. Мазкур жуфтлик ғолиби ярим финалда Колумбиянинг “Атлетико Насьональ” клуби билан куч синашади. Ўйин 14 декабрь куни бўлиб ўтади.

Эслатиб ўтамиз, мусобақанинг илк ўтиш босқичида “кунчиқар юрт” жамоаси “Кашима Антлерс” Янги Зеландиянинг “Окленд Сити” клубини мағлуб этган эди.