Коке: "Атлетико" ғалабаларга чанқоқ жамоа

Мадриднинг "Атлетико" клуби ярим ҳимоячиси Коке УЕФА Суперкубоги доирасида "Реал Мадрид" устидан қозонилган (4:2) ғалабадан сўнг ўз фикрини билдирди.

- Ғалаба учун кўп меҳнат қилдик. Албатта, учрашув қийин ўтишини ҳис қилгандик. Бир жамоа бўлиб ҳаракат қилганимиз нималарга олиб келишини гувоҳи бўлдингиз.

Биргаликда меҳнат қилсак баланд чўққиларни забт этамиз. "Атлетико" ўз олдига катта мақсадларни қўйган, - дея Кокенинг сўзларидан иқтибос келтиради УЕФА расмий веб-сайти.