Коутиньо: Бразилия термаси руҳий жиҳатдан кучлироқ бўлиши керак

Бразилия терма жамоаси ярим ҳимоячиси Филиппе Коутиньо миллий термаси ЖЧ–2018 чорак финалидан ўта олмаганидан афсусда эканини айтди.

Бразилия термаси Жаҳон чемпионати чорак финалида Бельгия билан тўқнаш келиб, 1:2 ҳисобида имкониятни бой берганди.

“Бир неча кун ўтиб кетганига қарамай, ҳамон оғриқли ҳиссиётлар бошдан кечмоқда. Бразилия термаси кўпроғига лойиқ эди. Ушбу жамоа аъзоси эканимдан фахрланаман. Турнир бошидан бизни қўллаб-қувватлаган Бразилия халқидан миннатдорман.

Кўплаб ижобий фикрлар учун ташаккур. Энди елкадаги юкларни ташлаб, руҳий жиҳатдан кучлироқ бўлишимиз керак. Мен – бразилияликман ва бундан фахрланаман”, – деб ёзди Коутиньо “Инстаграм”даги саҳифасига.