Коутиньо сафга қайтди, у "Атлетико"га қарши баҳсда майдонга туша олади

Каталониянинг “Барселона” клуби ярим ҳимоячиси Филиппе Коутиньо сон мушакларидан олган жароҳатидан тўлиқ фориғ бўлди.

Клуб расмий сайти тарқатган хабарга кўра 26 ёшли бразилиялик футболчи жамоанинг умумий гуруҳида шуғулланмоқда. У Ла Лиганинг 13-турида “Атлетико” Мадридга қарши бўладиган ўйинда “Барселона”га ёрдам бера олади.

Маълумот учун, Коутиньо жорий мавсум каталонияликлар сафида жами 16та ўйинда майдонга тушди ва ўз ҳисобига 5та гол ҳамда 4та голли узатма ёздириб қўйишга эришди.

Эслатиб ўтамиз, "Атлетико" - "Барселона" учрашуви 24 ноябрь куни бўлиб ўтади.

Фикрлар

Фикр қолдириш учун авторизациядан ўтинг!