Ла Лига президенти АПЛда иш бошлаши мумкин
Испания Ла Лигаси президенти Хавьер Тебас Англия премьер-лигасида худди шу лавозимда иш бошлаши мумкин. Бу ҳақда The Times нашри хабар бермоқда.
Маълумот учун, Тебас Ла Лига президенти лавозимида 2013 йилдан буён ишлаб келмоқда. Ўтган давр мобайнида у чемпионатда инқилобий ўзгаришларни амалга оширди ва натижада катта обрў қозонди.
Таъкидлаш керакки, Хавьер ўтган йили Италия А Сериясидан таклиф олган эди. Бироқ, Испания томони унинг маошини оширгач у ўз жойида қолишга қарор қилди.
Эслатиб ўтамиз, Англия премьер-лигасини 1999 йилдан буён Ричард Скудамор бошқариб келмоқда. Айнан Тебас унга муносиб ўринбосар бўлиши айтилмоқда.
Фикрлар