"Лестер" Махрезнинг ўрнига муносиб ўринбосар топди

Англиянинг "Лестер" клуби куни кеча "Манчестер Сити"га ўтиб кетган Риёд Махрезга муносиб ўринбосар топиб қўйди.

Tuttosport нашри тарқатган хабарга кўра “тулкилар” жазоирлик футболчининг ўрнига "Торино" вингери Яго Фалькени олиб келмоқчи. Қайд этиш лозимки, 28 ёшли футболчига шунингдек "Вест Хэм" ва "Саутгемптон" клублари ҳам жиддий қизиқиш билдиришмоқда.

Маълумот учун, Фальке “Торино” сафида 2016 йилдан буён тўп суриб келмоқда. У ушбу вақт мобайнида жами 75та ўйинда майдонга тушиб, ўз ҳисобига 26та гол ёздириб қўйишга эришган.