"Ливерпуль" ҳужумчисининг уйини сўнгги 1,5 йил ичида 2-марта ўғри урди

"Ливерпуль" форварди Садио Маненинг уйини ўғри урди. Маълум бўлишича воқеа мерсисайдликларнинг ЕЧЛ 1/8 финал босқичи доирасида "Бавария"га (0:0) қарши кечган ўйин пайтида содир этилган.

Liverpool Echo нашри тарқатган хабарга кўра ўғрилар сенегаллик футболчининг уйидан қўл соатлари, мобиль телефонлар ва автомобил калитларини олиб кетишган.

Полиция эса ушбу ҳолат юзасидан иш очган ва жиноятчиларни қидириш ишларини олиб борилмоқда.

Эслатиб ўтамиз, бу Маненинг уйида амалга оширилган биринчи ўғирлик эмас. 2017 йилнинг ноябрида “Ливерпул”нинг ЕЧЛ доирасида “Марибор”га қарши баҳси куни Маненинг уйига ўғрилар ҳужум қилишган эди.