МЮ "Рома" хавбекини ўз сафига қўшиб олмоқчи

“Рома” ярим ҳимоячиси Лоренцо Пеллегрини “Манчестер Юнайтед”нинг қизиқишлар доирасига кириб қолди.

Corriere dello Sport нашри тарқатган хабарга кўра кеча Лондонда 22 ёшли футболчининг агенти ва МЮ вакиллари ўртасида учрашув бўлиб ўтган.

Маълумотларга қараганда “Манчестер Юнайтед” Пеллегрини учун “бўрилар”га унинг шартномасида кўрсатилган 30 млн евро товон пулини тўлашга тайёр. Бундан ташқари манкуанликлар унинг маошини икки баробарга оширишга тайёр. Қайд этиш лозимки, Пеллегринининг “Рома”даги маоши йилига 1 млн еврони ташкил этади.

Бироқ, "Рома" спорт директори Рамон Мончи ўтган ёз Ража Наингголан ва Кевин Стротман каби етакчилар клубни тарк этишгач, Пеллегринини ҳам қўйиб юборишни хоҳламаяпти.

Фикрлар

Фикр қолдириш учун авторизациядан ўтинг!