МЮнинг қишки трансферлар мавсумидаги асосий "нишони" маълум бўлди

“Манчестер Юнайтед” клуби қишки трансферлар вақтида харид қилиниши керак бўлган асосий футболчини аниқлаб олди, дея хабар бермоқда The Sun нашри.

Ушбу нашрнинг тарқатган хабарига кўра, “қизил иблислар” бор имкониятни ишга солиб “Тоттенхэм” ҳимоячиси Тоби Алдервейрелдни таркибга қўшиб олишга уриниб кўради.

Маълум бўлишича, бу трансфер 45 миллион еврога баҳоланмоқда. Бунга Манчестер раҳбарияти ва мураббийлар штаби розилик билдирган.

Унинг “тақачилар” билан тузган шартномаси 2019 йилда якунига етади.