Моуриньонинг асабларини жумбушга келтирган уч суперюлдуз номи маълум бўлди

Қариб бораётган Жозе Моуриньо охирги ўйинда қанча нерв ҳужайраларини йўқотганини тасаввур қилиш қийин эмас. Португалиялик мураббий қўл остидаги «Реал» ҳали ҳам осон ғалаба йўлини топа олани йўқ. Бу гал тўқнашув ҳам ҳар доимгидек бирор можаро, интрига ёки кескин эҳтиросларга бой бўлди. Ҳисобдаги устунлик одатда минимал, ўйинда эса бундай устунлик деярли кўринмайди.

«Вильярреал» устидан ғалабани ҳам мадридликлар камчиликда сақлаб қолишга мажбур бўлишди. Ижобий томони – яна бир бор ишончли ўйнаган Куртуа ва Гюлер (шубҳасиз, энг яхшилар), Вальверденинг слаломга ўхшаш рейди ва Ян Диоманденинг «Реал»даги илк голи.

Аммо ғалаба қозонилганига қарамай, қайси футболчилар ўйин даражасидан паст бўлди?  «Евро-футбол» нашри Жозе Моуриньо шогирдларига субъектив баҳолар қўйди: учрашувни 6 баллдан бошлаб, максимал баҳони 10 деб белгилаган.

«РЕАЛ» – «ВИЛЬЯРРЕАЛ» УЧРАШУВИДА ИШОНЧНИ ОҚЛАМАГАН УЧ ЎЙИНЧИ

ВИНИСИУС – 2,0. Бу қандай ўйин ўзи? Винисиуснинг майдондаги ўзини тутиши тушунарли эмас. Ҳакмга бақириб-чақириши учун уни яна неча ўйинга дисквалификация кутаётганини фақат тахмин қилиш мумкин. Асосан ўйинга ёмон кириб келмади: Мбаппе учун голли вазият яратди, ўзи ҳам зўр спринтдан сўнг гол урди.

Лекин учрашув бошланишидан олдин Салибанинг сочидан очиқчасига ушлаб тортиш нима керак эди? Бу қўполлик, ахмоқона, ҳатто жуда ожиз ҳаракат. Гол ўрнига тўғри берилган қизил карточка. Жамоани очиқдан-очиқ қийин аҳволга солиб қўйди, дисквалификация даврида, эҳтимол, қандайдир психологик курсларга бориши керак бўлади.

ЖУД БЕЛЛИНГЕМ – 3,0. Винисиус Беллингемнинг ягона ҳақиқий юқори даражадаги ҳаракатини ҳам соя остида қолдира олгани ажабланарли. Куч етишмаслиги Джуд ўйинига таъсир қилди, аммо у битта феноменал слалом рейди амалга ошириб, уни голли узатма билан якунлади. Винининг қилмиши эса шу эпизоднинг аҳамиятини ҳам йўққа чиқарди.

Қолган вақтда Беллингем ҳужумни ўткирлаштиришда кўп адашди: 30 узатманинг 9 таси манзилга етмади, курашларда 13 дафадан 8 тасида ютқазди ва сариқ карточка олди.

КИЛИАН МБАППЕ – 3,0. Учта аниқ голли вазиятни йўқ қилди, уч марта офсайдга тушди. Қилиан Мбаппенинг ҳаракатланиши ёмон эмас, лекин бундай якун билан бундан фойда йўқ. Франциялик ҳужумчи дарвозани аниқ нишонга олиш масаласини шошилинч равишда йўлга қўйиши шарт, акс ҳолда «Реал» яримҳимояси катта ҳажмда ишлаб, самарасиз қолаверади.