Макгрегор Мэйвезерни олти, Пакьяони икки раундда "синдиради"
Бугунги кунда яккакурашлар оламида аралаш жанг санъатлари устаси Конор Макгрегор ва профессионал бокс усталари - Флойд Мэйвезер ҳамда Мэнни Пакьяо иштирокидаги жангларни ташкил этилишини интизорлик билан кутишмоқда.
Аралаш жанг санъатлари бўйича жаҳон чемпиони Конор Макгрегор билан машғулотларда спарринг жангларини ўтказаётган жанг устаси Артём Лобов Конорнинг имкониятларини юқори баҳолади.
- Бокс мухлислари мендан нафратланишлари мумкин, - деди Артём Лобов. - Конорга қарши жангда Мэйвезер олти, Пактяо икки раунд туролади холос. Мен аввал Алду Макгрегор бир дақиқа ҳам қаршилик кўрсатолмаслигини айтгандим. Амалда шундай бўлганини ҳамма кўрди. Мен анчадан буён Конор билан спарринг жангларида қатнашяпман ва унинг имкониятларини яхши биламан.
Айни пайтда Флойд Мэйвезер спортчилик фаолиятини тугатган ва фақатгина Макгрегор билан жанг учун яна рингга қайтишга тайёр эканини билдирган. Пакьяо эса Амир Хан билан жангга тайёрланмоқда.
Фикрлар