"Manchester Siti" bugun EChLdagi mag‘lubiyatli seriyasiga barham bera oladimi?

Bugun UEFA Chempionlar ligasining guruh bosqich ikkinchi tur uchrashuvlariga start beriladi.

Jumladan, APL peshqadami va amaldagi chempioni hisoblangan “Manchester Siti” Bundesliga vakili “Xoffenxaym” mehmoni bo‘ladi.

Uchrashuvga oid qiziqarli faktlar:

- “Xoffenxaym” evrokuboklarda shu kungacha o‘z tarixida bor yo‘g‘i 9ta o‘yin o‘tkazgan va shulardan faqat 1tasida g‘alaba qozongan. Biroq, ular evrokuboklar doirasida o‘tkazgan so‘nggi 5ta o‘yinida faqat bir marta mag‘lub bo‘lishgan.

- “Xoffenxaym” UEFA Chempionlar ligasida Germaniya sharafini himoya qilgan 13-jamoa hisoblanadi.

- Xosep Gvardiola boshchiligidagi “Manchester Siti” Chempionlar ligasida ketma-ket 4ta o‘yindan buyon mag‘lubiyatga uchramoqda. Ular so‘nggi bor o‘tgan mavsum musobaqaning 1/8 final bosqichida “Bazel” ustidan zafar quchishgan.

- Gvardiola jamoasi (“Bavariya”) shu kungacha “Xoffenxaym”ga qarshi jami 5ta o‘yinda ishtirok etgan va biror marta ham mag‘lub bo‘lmagan.

"Xoffenxaym" – "Manchester Siti"

Stadion: "Virsol Rayn-Nekar-Arena" (Zinsxaym)

Boshlanish vaqti: 21:55

Bosh hakam: Damir Skomina (Sloveniya)

"Xoffenxaym": Baumann – Akpoguma, Fogt, Posh – Kaderjabek, Grillich, Shults, Demirbay, Bittenkur – Joelinton, Kramarich

"Manchester Siti": Ederson – Uoker, Stounz, Lyaport, Zinchenko – B. Silva, Fernandino, Gyundogan – Marez, Sterling, Aguero.