Марчело Липпи: Хитой – Осиё кубогининг сюрприз-жамоаси бўлиши мумкин

"Бизнинг мақсадимиз - энг яхши натижага эришиш. Биз мазкур мусобақа учун 40 кундан буён тайёргарлик кўрмоқдамиз. Тўғри, бу ерда Эрон, Жанубий Корея, Япония ва Австралия каби гранд жамоалар ҳам ғалабани истаб келишган. Аммо ҳар қандай мусобақада ҳам сюрприз-жамоа бўлади.

Биз ана шу сюрприз-жамоа бўлишга интиламиз. Хитойда 7 йилдан буён ишлаб келаман ва хитойлик мухлисларга олам-олам қувонч улашишни истайман.

Мен Қирғизистоннинг сўнгги олти-етти ўйинларини кўриб чиқдим. Шундай экан, мен уларнинг ўйин услуби, устун жиҳатлари ва етакчи футболчиларини яхши биламан. 

Замонавий технологиялар орқали сиз исталган жамоа ҳақида маълумотлар олиш имконига эгасиз", - деди италиялик мутахассис.