Maxrez "Manchester Siti"dagi debyut uchrashuvidan so‘ng nimalar dedi?

Yaqindagina "Manchester Siti"ga ko‘chib o‘tgan yarim himoyachi Riyod Maxrez kecha “Borussiya” Dortmundga qarshi o‘rtoqlik o‘yinida maydonga tushdi. Jazoirlik futbolchi uchrashuvdan so‘ng o‘zining debyuti haqida gapirib o‘tdi.

“O‘zimni yaxshi his qilyapman. Biz yomon o‘yin o‘tkazmadik, bizda imkoniyatlar bo‘ldi. Eng muhimi “Manchester Siti”ga tezroq moslashib olishim uchun maydonda bir muddat bo‘lsa ham harakat qildim”, - deydi Maxrez.

Eslatib o‘tamiz, kechagi o‘yinda “shaharliklar” 1:0 hisobida nemis klubiga mag‘lub bo‘lishgan edi.