Мейвезер Пакьяонинг реванш жанги бўйича чақирувига жавоб қайтарди

Америкалик боксчи Флойд Мейвезер Мэнни Пакьяонинг иккинчи жангни ўтказиш борасидаги чақирувига жавоб берди.

– Мен бунда Пакьяони айблай олмайман. Нима қилишни хоҳласа, шуни қилади. Бу унинг ҳуқуқи, – дея Мейвезернинг сўзларини келтиради Fighthype.com. – Агар у яна пул ишлаб олишни истаса ҳам, бу унинг иши. Ҳар ким хоҳлаганини қилади. Пакьяога қаршилигим йўқ. Албатта, у менинг исмимни айтибди. Шубҳасизки, мен бу спорт турида барча даврларнинг энг номдор вакилларидан бириман. Қачон сен Мейвезер исмини айтар экансан, демак, сен доллар ҳақида гапиряпсан.

– Мендан сўрашади: “Нима учун Пакьяо билан урушишдан қўрқасан?”. Бу худди битта мағлубият кам экан. Пакьяо – шон-шараф залининг бўлажак вакили, аммо ўшанда мен энг яхшисини ютганман.

Эслатиб ўтамиз, 2015 йилда бу боксчилар биринчи марта рингда учрашган ва унда 41 ёшли америкалик боксчи ғалаба қозонган.