Meyvezer Pakyaoning revansh jangi bo‘yicha chaqiruviga javob qaytardi

Amerikalik bokschi Floyd Meyvezer Menni Pakyaoning ikkinchi jangni o‘tkazish borasidagi chaqiruviga javob berdi.

– Men bunda Pakyaoni ayblay olmayman. Nima qilishni xohlasa, shuni qiladi. Bu uning huquqi, – deya Meyvezerning so‘zlarini keltiradi Fighthype.com. – Agar u yana pul ishlab olishni istasa ham, bu uning ishi. Har kim xohlaganini qiladi. Pakyaoga qarshiligim yo‘q. Albatta, u mening ismimni aytibdi. Shubhasizki, men bu sport turida barcha davrlarning eng nomdor vakillaridan biriman. Qachon sen Meyvezer ismini aytar ekansan, demak, sen dollar haqida gapiryapsan.

– Mendan so‘rashadi: “Nima uchun Pakyao bilan urushishdan qo‘rqasan?”. Bu xuddi bitta mag‘lubiyat kam ekan. Pakyao – shon-sharaf zalining bo‘lajak vakili, ammo o‘shanda men eng yaxshisini yutganman.

Eslatib o‘tamiz, 2015 yilda bu bokschilar birinchi marta ringda uchrashgan va unda 41 yoshli amerikalik bokschi g‘alaba qozongan.