Модрич: Роналдудан миннатдорман

Хорватия терма жамоаси ва “Реал” ярим ҳимоячиси Лука Модрич собиқ клубдоши Криштиану Роналдунинг “Ювентус”га трансфер қилиниши борасида ўз мулоҳазаларини билдирди.

“Криштиану “Реал”да қолишини истардим. У ноёб футболчи, кетаётганидан афсусдамиз. “Реал” учун қилган барча ишлари учун Роналдудан миннатдорман. “Реал”га қарши ўйинлардан ташқари унга барча баҳсларда омад тилайман”, – деди хорватиялик футболчи.

Маълумот учун, 33 ёшли Криштиану Роналду 105 миллион евро эвазига “Ювентус” сафига қўшилди. Унинг йиллик маоши 30 миллион еврони ташкил қилади.