Хабарингиз бор, қўлидаги жароҳати сабабли 8 октябрдаги жангини қолдирган профессионал боксчимиз Шоҳжаҳон Эргашев (6-0, 6 КО) 14 октябрь куни ўтказиши керак эди. Бироқ жангдан олдин ўтказилган тиббий текширувлардан сўнг маълум бўлдики, шифокорлар боксчимизнинг рингга чиқишига рухсат бермаган ва тезда иккинчи марта қўли операция қилинади.

“Salita Promotions” промоутерлик компанияси билан ҳамкорлик қилаётган Шоҳжаҳон операциядан 3 ҳафта ўтиб яна катта рингга қайтиши керак. Боксчимиз вакилларининг Sports.uz интернет порталига маълум қилишича, бу галги жанг пойтахтимиз Тошкентда бўлиши кутилмоқда. Жанг 8 раунддан иборат бўлади.

Шартномага кўра, Шоҳжаҳон шу йил якунига қадар титул жангини ўтказиши керак. Шу сабаб у титул учун кечадиган кейинги тўқнашувни Сингапурда испаниялик Рубин Ниетога (18-1-0, КО 9) қарши ўтказади.

>>> Боксчимизнинг олдинги жанги видеоси