Нўъмон Ҳасанов: Захирадан тушган футболчимиз ўйинни кучайтирди

Хабарингиз бор бундан бироз аввал Суперлиганинг 30-туридан ўрин олган АГМК ҳамда “Қўқон-1912” (1:3) жамоалари ўртасидаги учрашув ўз ниҳоясига етди. Ўйиндан сўнг ўтказилган матбуот анжуманида иштирок этган меҳмонлар бош мураббийи Нўъмон Ҳасанов ўзининг учрашув ҳақидаги фикрларини билдириб ўтди.

“Даставвал Олмалиқ шаҳри аҳлини Ўзбекистон Кубогидаги ғалаба билан табриклайман. АГМК ажойиб натижа қайд эта олди. Ўзим ва қўқонликлар номидан бутун АГМК вакилларини табриклайман.
Бугун биринчи бўлимда ўйинимиз унча қовушмади. Тезкор гол ўтказиб юбордик. Шундай бўлса-да, якунда жуда муҳим ғалабага эришдик. Иккинчи бўлимни юқори савияда ўтказдик. Захирадан майдонга тушган футболчилар ўйинни кучайтира олишди. 

Олдинда бизни яна 2та жуда муҳим ўйинлар кутмоқда ва ушбу баҳсларда ҳам ғалаба қозонишга ҳаракат қиламиз”, - дейди тажрибали мутахассис.