Олег Зотеев "Металлург" дарвозабонини эътироф этди

"Ўйин олдидан биз рақиб шундай қаршилик кўрсатишини билгандик, шу боисдан масъулиятни оширдик. Шукурки, ғалабага эришдик. 90 дақиқа давомида ҳужум қилдик ва шу боисдан ҳам ғалабага лойиқ эдик.

Рақиб жамоа дарвозабонини алоҳида эътироф этган бўлардим. У бир неча ўйинлардан буён ўзини яхши томондан кўрсатмоқда.

"Локомотив" мухлисларини ғалаба билан табриклайман. Кейинги ўйинларда ҳам ғалаба қозониб, турнир жадвалидаги ўрнимизни сақлаб қолишга ҳаракат қиламиз", - деб унинг сўзларини келтириб ўтди "Локомотив" матбуот хизмати.