Ўсмирлар Олимпия ўйинлари. Шоҳида Аҳмедова кумуш медалга эга чиқди
Ads

Аргентина шаҳрида ўсмирлар Олимпия ўйинлари давом этмоқда. Айниқса, 13 октябрь кунги беллашувлар ҳамюртларимиз учун муваффақиятли давом этмоқда. Бироз аввал оғир атлетикачимиз Долера Давронова бронза, байдарка ва каноэда эшкак эшиш баҳсларида иштирок этган Гулбаҳор Файзиева олтин медални қўлга киритганлиги ҳақида хабар бериб ўтгандик.

Энди эса спорт курашларида -49 кг вазн тоифасида юртимиз шарафини ҳимоя қилган Шоҳида Аҳмедова совриндорлар қаторидан жой олди. Бу ҳақда МОҚ матбуот хизмати хабар бермоқда. Ҳамюртимиз мусобақа давомида Қозоғистон, Венесуэла, АҚШ, Белорусь мамлакатлари вакилларини мағлубиятга учратиб финалгача етиб борди. Ҳал қилувчи жангда эса у афсуски швециялик рақибасига имкониятни бой берди қўйди ва якунда кумуш медаль билан кифояланди.

Маълумот учун, бу ўзбекистонлик спортчилар учун Аргентина Олимпиадасидаги ўнинчи медалдир. Ҳамюртларимиз томонидан 3 та олтин, 4 та кумуш ва 3 та бронза медаллари қўлга киритлган. 1 та олтин ва 1 та бронза медалларига микст баҳсларида эга чиқилган.