Ўзбекистон МТЖ бугун Дубай шаҳрида навбатдаги машғулотни ўтказди (фото)

Бугунги машғулотлар "The Sevens Stadium" ўйингоҳида бўлиб ўтди.

Бугун Купер эътиборни асосан стандарт вазиятларни машқ қилишга қаратди. Футболчилар бурчакдан тўп оширилганда қандай ҳаракат қилиш зарурлиги, кимнинг вазифаси нимадан иборатлиги бўйича мураббийдан аниқ кўрсатмалар олишди.

Бундан ташқари жарималардан зарбалар йўллаш машқ қилинди. Эртага терма жамоа Шаржа шаҳрига йўл олади. Машғулотлар ўша ердаги стадионда давом этади.