Ўзбекистонлик мухлислар ҳам японлардан ўрнак олишни бошлашди-ми? (ФОТО)

Хабарингиз бор кеча Осиё кубоги гуруҳ босқич 1-турида Ўзбекистон терма жамоаси Уммонга қарши баҳс олиб борди ва 2:1 ҳисобида ғалаба қозонди.

Шу куни Шаржа шаҳридаги “Sharjah Stadium”га кўп сонли ўзбекистонлик ишқибозлар ташриф буюришди ва терма жамоамизни қўллаб-қувватлаб туришди. Эътиборлиси, шу куни стадионга келган ўзбекистонлик мухлислар ўйин якунлангач ўзлари ўтирган секторни чиқиндилардан тозалаб, покиза ҳолатга келтиришди.

Эслатиб ўтамиз, бундай ишни ЖЧ-2018да япониялик мухлислар бошлаб беришган эди. Умид қиламизки юртошларимиз ҳам энди бундан буён ҳар доим ўзларини мана шундай тутган ҳолда, бошқаларнинг ўзбекистонликларга бўлган ҳурматини янада ошишига ҳисса қўшишади.