ПСЖ нега УЕФАни судга берди?

Франциянинг ПСЖ клуби молиявий фэйр-плей қоидасини бузганлик борасидаги ишни яна қайта бошлагани учун УЕФАни спорт арбитраж судига берди.

ESPN нашри тарқатган хабарга кўра француз гранди айнан шу йўл орқали терговни тўхтатмоқчи.

Эслатиб ўтиш лозимки, УЕФА ўтган ёз ПСЖдан молиявий фэйр-плейга амал қилиши учун таркибидан 60 миллион еврога футболчиларни сотишни талаб қилган эди. Жамоа эса ушбу топшириқни бажарган эди.