Парадзюдо. Жаҳон чемпионатида ҳозирча 1 та олтин, 3 та бронза

Португалиянинг Одивелаш шаҳрида парадзюдо бўйича жаҳон чемпионати старт олди. Ушбу мусобақада ўзбекистонлик спотчилар ҳам иштирок этаётганликлари ҳақида хабар қилгандик.

Жаҳон чемпионатида қатнашаётган спортчиларимиз ҳозирча тўртта медаль қўлга киритишди. Эркаклар ўртасидаги баҳсларда -60 кг вазн тоифасида юртимиз шарафини ҳимоя қилган Шерзод Намозов, -66 кг вазнли Ўткиржон Нигматов бронза медалига сазовор бўлишди. -73 кг вазн тоифасида баҳсларда қатнашган Феруз Саидов барча рақибларини мағлубиятга учратган ҳолда олтин медаль эгасига айланди. У мусобақа давомида Хитой, Литва, Россия ва Жанубий Корея вакилларидан устун келди.

Қизлар ўртасидаги беллашувларда -57 кг вазн тоифасида қатнашган Парвина Самандарова ҳам бронза медалини қўлга киритди.

Жаҳон чемпионати давом этмоқда.