Перес "Реал"га Моуриньони қайтармоқчи

“Манчестер Юнайтед” клуби бош мураббийи Жозе Моуриньо яна “Реал”га қайтиши мумкин.

Испан нашрларининг ёзишича “қироллик клуби” президенти Флорентино Перес жамоани яна португалиялик мутахассис бошқаришини хоҳламоқда.

Маълумотларга қараганда “Реал” раҳбарияти Хулен Лопетегини ишдан бўшатгач, унинг ўрнига мадридликларнинг иккинчи жамоаси ҳисобланган “Реал Мадрид Кастилья” бош мураббийи Сантьяго Солари тайинланади. Бироқ, бу вақтинчалик қарор ҳисобланади. Боиси, “қироллик клуби” раҳбарияти барибир жамоага тажрилаби мутахассис жалб этишни режалаштирмоқда.

Маълумот учун, Жозе Моуриньо “Реал”ни 2010-2013 йилларда бошқарган. Жамоа унинг қўл остида Испания чемпионатида зафар қучган, мамлакат кубоги ва Суперкубогини қўлга киритган.