Петр Чех ЦСКАга қарши баҳсни ҳам ўтказиб юбориши мумкин

Хабарингиз бор Лондоннинг “Арсенал” клуби дарвозабони Петр Чех кеча жароҳати сабаб премьер-лиганинг “Сток Сити”га (3:0) қарши баҳсини ўтказиб юборган эди.

Унинг ўрнига шу куни “канонирлар” дарвозасини Давид Оспина қўриқлади. Клуб матбуот хизматининг хабар беришича чехиялик тажрибали посбон жорий ҳафта УЕФА Европа лигаси чорак финалидан ўрин олган Москванинг ЦСКА клубига қарши ўйинда ҳам иштирок эта олмаслиги мумкин.

Эслатиб ўтиш лозимки, “Арсенал” ҳамда ЦСКА жамоалари ўртасидаги баҳс 5 апрель куни Лондондаги “Эмирейтс” ўйингоҳида бўлиб ўтади.