Petra Martich 16 yoshli tennischiga yutqazib qo‘ydi

Tsintsinnati shahrida o‘tayotgan "Western & Southern Open" turnirining ikkinchi davrasi xorvatiyalik Petra Martich omadsiz o‘tdi.

Petra ushbu bosqichda 16 yoshli amerikalik Amanda Anasimovaga qarshi kortga chiqib, kutilmaganda 4:6, 3:6 hisobida mag‘lubiyatga uchradi.

Shu tariqa zafar quchgan Amanda uchinchi davrada ukrainalik Elina Svitolinaga qarshi kortga chiqadigan bo‘ldi.