Почеттино эмас Конте! (Эркин Ғайбуллаев блоги)
Ads

Аргентиналик мутахассис «Тоттенхэм» билан эришган муваффақиятларини «Олд Траффорд»да ҳам такрорлай олишига ҳеч қандай кафолат йўқ, аслида.

Аммо айнан «тақачилар» бош мураббийи Маурисио Почеттино вақтинчалик бош мураббий Оле Гуннар Сульшердан кейин «қизил иблислар»ни қабул қилиб олиш учун асосий номзод бўлиб турибди.

Аммо «тақачилар» мухлислари ўз мураббийлари атрофида юрган гап-сўзлардан норози кайфиятда.

Бугунги МЮ 20 талаб соврин ютган жамоа эмас. Улар 2008-2011-йиллар оралиғида уч марта ЕЧЛ финалида ўйнаган жамоа ҳам эмас. Бу бутунлай бошқача МЮ. Уларда фақат шонли тарих ва буни қайта такрорлашга эҳтиёж сезаётган жамоага айланиб қолган.

Хато қилмаслик ва сўнгги ёмон натижаларни такрорламаслик қийин масалага айланган. Таркибда уйғунлик қайта бўй чўза бошлаган.

Моуриньонинг истеъфосидан кейин Сульшернинг ажойиб старти ҳам барқарор давом этишига ҳеч ким кафолат бермайди.

Улар яна барчасини нолдан бошлашлари учун ўнлаб йиллар кетади. Ҳеч ким бундай вақтга рози бўлмайди. Улар хаосни йўққа чиқарадиган, янги даврни бошлай оладиган кучли мураббийга эҳтиёж сезмоқда.

Клубдаги хаос эса Почеттинонинг иқтидорига мос келмайди. Унинг «тақачилар»даги муваффақиятлари босқичли бўлган эди. У таркибдаги мавжуд иқтидорларга янги футболчиларни қўшиб «ғалаба формуласи»ни яратган эди.

Унда буни амалга ошириш учун вақт, тўғри муҳит бор эди. Унинг «тақачилар» билан эришган муваффақияти бу уларни тўғри йўлга олиб чиқа олгани бўлмоқда.

«Манчестер Юнайтед»да Почеттино Лондонга кўчиб келганидан бери бир қанча мураббийлар ишлаб кетишга улгурди. Уларнинг ҳар бири бир қатор «қайноқ трансферлар»ни амалга оширди ва клубда бирдамликни таъминлай олмаганидан кейин истеъфога чиқарилаверди. Почеттино ҳам «Олд Траффорд»даги фаолиятини Девид Мойес, Луи Ван Гал ёки Моуриньолар каби тугатмаслигига кафолат йўқ.

Бу «тақачилар»да содир бўлмаганига сабаб Почеттино ёмон натижаларга эришмагани учун бўлмоқда. Аммо у Даниель Левининг ишончини қозонгани учун клубда узоқ йил қолишига замин ярата олди.

Жорий мавсумда улар имтихондан ўтишмоқда. Ўтган ёзда ҳеч қандай трансферларни амалга оширмади, мухлислар эса тезроқ «Уэмбли»дан «Уайт Харт Лейн»га қайтишни исташмоқда. Шунга қарамай «Тоттенхэм» кўрсатаётган ўйин барқарорлигини йўқотмаган ва натижалар юқори даражада бўлиб қолмоқда.

Таркибда ҳамон порлаётган футболчилар – Кристиан Эриксен, Сон Хон-Мин, Деле Алли ва албатта Ҳарри Кейн бор. Бу Почеттино ўз қўллари билан қурган жамоа ҳисобланади. Айни вақтда улар «Манчестер Юнайтед»дан ҳам кучлироқ жамоага айланган.

Фақатгина бир неча муаммолар бор, бу баъзи юлдузларнинг шартномаси атрофидаги вазият. Агарда клуб Кейнни жамоада қолишга кўндира олса ва янги стадион масаласи ҳал бўлса, муаммо йўқ. Акс ҳолда улар барчасини яна бошидан бошлаши мумкин.

Айни паллада МЮда Почеттино учун жой йўқ. Шунчаки у ўз лойиҳасини у ерда такрорлай олишига ишонч йўқ. Бу эса унинг обрўсига таъсир қилмай қўймайди.

МЮ эҳтиёж сезаётган мураббий бу барчасига қарамай «ёриб чиқадиган» мутахассисдир. Манчестерликларга бир кунда барчани оёққа турғизадиган, таркибда мавжуд футболчиларнинг ўйинини кучайтира оладиган ва турнир поғонасидаги ўрнини сезиларли яхшилайдиган бириси лозим.

Боиси «Манчестер Юнайтед» ана шундай жамоа сирасидан. Қурувчига ҳеч қандай ортиқча имкон берилмайди. Келадиган мураббийларнинг муваффақияти бу уларнинг нечта соврин ютиб олиши билан ўлчанади.

Антонио Конте «Челси»да буни исботлаган мураббий ва буни илк мавсумидаёқ амалга оширган. У «кўклар» таркибида барқарорлик ва интизом ўрнатганди. Бунга бўйсунмаганлар ҳам бўлди. Давид Луис ва Диего Косталар вақти-вақти билан «исталмаган шахс»га айланишди. Муҳими италиялик мураббий Премьер Лигани дастлабки мавсумидаёқ ютиб олди.

Конте Моуриньонинг учинчи мавсумдаги «чала ишлари»ни тезда якунлаб жамоани яхшилашга эришди. Айни вақтда у ишсиз юрибди.

Конте «Ювентус» ва «Челси»даги муваффақиятларидан кейин эътирофга сазовор мураббийлардан бирига ҳақли тарзда айланди. Унинг «Реал» бошқарувига ўтиши кутилганди, бироқ хаосда қолиб кетган жамоани Лопетегини қўлидан олишни истамади. У ўз лойиҳасини рўёбга чиқариши учун вақт талаб қилади.

Келаси мавсумда у бундай чақириқни қабул қилиши мумкин. Аммо МЮ ҳам нима дейишига италиялик мутаҳассис қизиқмоқда. Унга шунингдек «Бавария» ҳам «оғиз солган».

Шу туфайли Почеттинонинг МЮни бошқариши учун айни пайт эмас. Вазифа Контега, Конте эса вазифага мос.

Фикрлар

Фикр қолдириш учун авторизациядан ўтинг!
&
darwesh
15/01/2019 12:27
Сульшерга мавсумни охиригача имконият берилса керак. Унинг устига унга маслахатчи Фергюсонни узгинаси
&
darwesh
15/01/2019 12:26
Конте яхши мураббийлигига шубха йук. Лекин Конте кийин характерли мураббий. Харажатли мураббий.