Погба Моуриньо билан агенти орқали гаплашишни истамоқда

“Манчестер Юнайтед” клуби ярим ҳимоячиси Поль Погба ёзги трансферлар мавсумида жамоани тарк этиши мумкин.

The Sun нашри тарқатган хабарга кўра, футболчи жамоа бош мураббийи Жозе Моуриньо билан муносабатлари яхши эмас. “Лестер”га (2:1)  қарши кечган баҳсда Погба сардорлик боғичини тақиб, пенальтидан гол урган ва мураббийга: “Менинг айта оладиган нарсаларим бор. Шунингдек, жаримага тортилмаслик учун айта олмайдиган гапларим бор”, деб айтган.

Моуриньо унга шундай жавоб берган: “Агар сен яна МЮдан кетишни истасанг, бу сенга керак бўлса, трансфер ҳақида сўрашинг керак”.

Ҳозир Погба Моуриньо билан фақатгина агенти Мино Райола орқали гаплашишни истамоқда.

Аввалроқ ОАВ Франция терма жамоаси футболчиси хизматларига “Барселона” қизиқиш билдираётганлиги айтилган эди, аммо испан клуби иккиланмоқда.