Поветкин кейинги жангини британиялик боксчига қарши ўтказмоқчи

Россиялик оғир вазнли боксчи Александр Поветкин ўзининг навбатдаги жанггларидан бирини британиялик Диллиан Уайтга қарши ўтказишни режалаштирмоқчи.

– Албатта, мен Уайт билан жанг ташкил қилинишини истаган бўлардим. Кўрамиз, воқеалар ривожини. Барчаси фақатгина менга боғлиқ эмас, – дейди Поветкин.

Аввалроқ Уайт Поветкин билан жанг қилиш борасида бир-бирига оғзаки розилик бергани маълум қилинган эди.

Эслатиб ўтамиз, сентябр ойида ўтган сўнгги жангда Поветкин 8-руаундда WBA, WBO ва IBF чемпионлик камарлари соҳиби Энтони Жошуадан техник нокаут қабул қилиб олган бўлса, Уайт декабр ойида Дерек Чисорани 11-раундда нокаутга учратди.