Қудратилло Абдуқаҳҳоров Малайзияда рингга кўтарилади
Профессионал боксда бирор маротаба мағлубиятга учрамаган боксчимиз Қудратилло Абдуқаҳҳоровнинг навбатдаги жанги 5 январь куни Малайзияда бўлиб ўтади. 

Қудратилло навбатдаги беллашувини япониялик 31 ёшли боксчи Кеита Обарага қарши ўтказади.

Эслатиб ўтамиз, Қудратилло айни дамда IBF рейтингида 4-ўринни эгаллаб турибди, Обара эса 6-поғонадан жой олган. Улар ўртасида ўтадиган жангда ким ғолиб бўлса, рейтинг жадвалида биринчи ўринга кўтарилиб олади ва ушбу вазн тоифасида IBF чемпиони Эррол Спенсга қарши рингга кўтарилиш ҳуқуқини қўлга киритади.