"RB Leyptsig" 20 yoshli futbolchi bilan shartnoma imzoladi

Germaniyaning “RB Leyptsig” klubi “Zaltsburg” yarim himoyachisi Amadu Edara bilan shartnoma imzoladi.

Berilgan ma’lumotlarga qaraganda 20 yoshli malilik futbolchi leyptsigliklar bilan 2023 yilga qadar shartnoma imzolagan va u 8-raqamda to‘p suradi.

Eslatib o‘tamiz, “Leyptsig” va “Zaltsburg” klublarining homiysi bitta - Red Bull hisoblanadi.

Ma’lumot uchun, Edara joriy mavsum Avstriya chempionatida jami 21ta o‘yinda ishtirok etdi va o‘z hisobiga 3ta gol hamda 6ta golli uzatma yozdirib qo‘yishga erishdi.