Рамос Контенинг "Реал"га келишига розилик билдирди

Мадриднинг "Реал" клуби сардори Серхио Рамос Антонио Контенинг "Сантьяго Бернабеу"га келишига розилик билдирди. Бу ҳақда Sport Mediaset нашри хабар бермоқда.

Таъкидлаш керакки, бундан аввалроқ “қироллик клуби”нинг айрим етакчилари 49 ёшли италиялик мутахассиснинг жамоага келишига қарши эканликларини билдиришган эди. Аммо, Рамос бу борада ўз фикрини ўзгартирди ва Контенинг Мадридга келишига розилигини билдирди.

Эслатиб ўтамиз, “Реал”нинг амалдаги бош мураббийи Хулен Лопетеги эртага бўлиб ўтадиган эль класикодан сўнг катта эҳтимол билан ўз лавозимини тарк этади.