Rasman! Terri Anri "Monako" bosh murabbiyligidan iste’foga chiqarildi

Terri Anri "Monako" klubi bosh murabbiyligidan ozod etildi. Bu haqda klub rasmiy sayti xabar bermoqda.

Jamoani vaqtincha Frank Passi shug‘ullantirib turadi.

Eslatib o‘tamiz, 41 yoshli frantsiyalik mutaxassis jamoa boshqaruviga o‘tgan yilning 13 oktyabr kuni kelgan edi. O‘tgan davr mobaynida esa "Monako" uning qo‘l ostida 20ta o‘yin o‘tkazdi va shularning bor yo‘g‘i 4tasida g‘alaba qozondi, 5 marta durang qayd etdi va 11 marta mag‘lub bo‘ldi.

Ma’lumot uchun, "Monako" Frantsiya chempionatining ortda qolgan 21ta tur yakunlariga ko‘ra 15 ochko bilan musobaqa jadvalida 19-o‘rinni egallab turibdi.