"Реал" вакиллари Стерлингни кузатди

Мадриднинг "Реал" клуби скаутлари "Манчестер Сити" клуби ярим ҳимоячиси Раҳим Стерлингни кузатишди. Бу ҳақда Daily Mail хабар тарқатмоқда.

"Қироллик клуби" вакиллари Миллатлар Лигаси доирасида Англия ва Испания баҳсида футболчининг ҳаракатларини баҳолаб боришган. Манбада келтирилишича, улар учрашувда дубль қайд этган Стерлингнинг ҳаракатларидан тўла қониқиш ҳосил қилишган ва келаётган трансфер мавсумида асли келиб чиқиши ямайкалик бўлган футболчини ўз таркибларига жалб қилишмоқчи.

Қайд этиш лозим, Стерлинг айни пайтда жамоадаги ўрнидан умуман қониқиш ҳосил қилмаяпти.