"Реал" ёзда "Манчестер Сити" етакчиларидан бирини сотиб олмоқчи

Мадриднинг "Реал" клуби "Манчестер Сити" ярим ҳимоячиси Бернарде Силванинг хизматларига жиддий қизиқиш билдира бошлади. Бу ҳақда The Mirror нашри хабар бермоқда.

Унга кўра “қироллик клуби” 24 ёшли португалиялик футболчини ёзги трансферлар даврида сотиб олмоқчи. Таъкидлаш керакки, унинг “шаҳарликлар” билан амалдаги шартномаси 2022 йилга қадар имзоланган. Трансфер нархи эса 65 млн еврога баҳоланмоқда.

Эслатиб ўтиш лозимки, бундан аввалроқ “Манчестер Сити” бош мураббийи Хосеп Гвардиола Силвани қўйиб юбормаслиги ҳақида хабарлар тарқалган эди.

Маълумот учун, Бернарду Силва жорий мавсум “Сити” сафида жами 21та ўйинда майдонга тушди ва ўз ҳисобига 5та гол ва 6та голли узатма ёздириб қўйишга эришган.