Рэмзи "Манчестер Сити"га қарши баҳсда иштирок эта олади

Лондоннинг "Арсенал" клуби ярим ҳимоячиси Аарон Рэмзи АПЛнинг илк турида "Манчестер Сити"га қарши ўйнай олади. Бу ҳақда Evening Standard нашри хабар бермоқда.

Юқоридаги манбаанинг ёзишича 27 ёшли уэльслик футболчи мушакларидан олган жароҳатидан қутулган ва айни дамда жамоанинг умумий гуруҳида машғулот олиб бормоқда.

Эслатиб ўтамиз, "Арсенал" ҳамда "Манчестер Сити" учрашуви 12 август куни Лондондаги "Эмирейтс" стадионида бўлиб ўтади.