Рибери ҳам фаолиятини Осиёда давом эттириши мумкин

Мюнхеннинг "Бавария" клуби ярим ҳимоячиси Франк Рибери жорий мавсум якунлангач жамоасини ўзгартириши мумкин.

Bild нашри тарқатган хабарга кўра 34 ёшли франциялик футболчига бир қатор араб ва хитой жамоаларидан жиддий таклифлар келиб тушмоқда. Айтиш лозимки, ҳозирча Рибери немис гранди билан амалдаги шартномасини узайтирганича йўқ. Бундай ҳолатда эса у ёзда эркин агентга айланиши мумкин.

Маълумот учун, Рибери жорий мавсум “Бавария” сафида жами 26та учрашувда иштирок этган ва ўз ҳисобига 6та гол ҳамда 3та голли узатма ёздириб қўйишга эришган.